Жергілікті көлік инфрақұрылымын қайта құру

KAZ Minerals компаниясы өз қызметін жүргізетін аймақтардың тұрғындары мен қауымдастықтарының өмірін жақсартуға ұмтылады және соңғы жылдары Топ жергілікті халықтың әл-ауқатын арттыра отырып, инфрақұрылымды дамыту, жөндеу және жақсарту бойынша түрлі жобаларды қаржыландырды.

Едәуір ауқымды бастаманың аясында 2024 жылы KAZ Minerals 1981 жылы негізі қаланған Павлодар теміржол вокзалының алғашқы күрделі жөндеуін аяқтады. 2023 жылғы тамызда басталған кешенді қайта құру жұмыстары тоғыз ай ішінде аяқталды, нәтижесінде вокзал заманауи, қолжетімді және жолаушылар үшін жайлы нысанға айналды.

Жобаның аясында вокзалдың сырты толықтай қалпына келтірілді, ал ішінде жолаушылардың жайлылығы мен вокзал жұмысының тиімділігін арттыру үшін айтарлықтай жақсартулар жасалды. Вокзал жеті билет кассасымен, кең күту залымен, балаларға арналған ойын алаңымен, ноутбукпен жұмыс істеуге арналған арнайы аумақпен, сонымен қатар жүк сақтауға арналған кең үй-жайлармен жабдықталған, бұл барлық келушілер үшін жайлы және жағымды атмосфера жасайды.

Қайта құру кезінде қозғалу мүмкіндігі шектеулі жолаушылардың вокзалда жүріп-тұруын жақсартуға басты назар аударылды, ол үшін арнайы жобаланған көтергіштер орнатылды. Көру қабілеті бұзылған келушілерге көмектесу үшін тактильді жолақтар, мнемосхема және кіруді жеңілдетуге арналған арнайы билет терминалдарын қамтитын егжей-тегжейлі ақпараттық-навигациялық жүйе енгізілді.

Вокзалдың бай тарихын бейнелейтін тарихи фотосуреттер көрмеге қойылды, олар жолаушыларға вокзалдың тарихымен танысуға және станцияның жаңа заманауи өзгерістерін бағалауға мүмкіндік береді.
Павлодар теміржол вокзалы тоғыз ішкі бағытқа қызмет көрсетеді, орташа жылдық жолаушылар ағыны шамамен 500 мың адамды құрайды. Жөндеу жұмыстары вокзалдың ыңғайлылығы мен тартымдылығын айтарлықтай жақсартты.

Павлодар вокзалының нысандары мен инфрақұрылымын жаңғырту жолаушыларға ұзақ жылдар бойы қызмет көрсетуге мүмкіндік береді. KAZ Minerals-тың осы жоба арқылы қауымдастықтың инфрақұрылымын дамытуға деген ұмтылысы оның жергілікті тұрғындардың өмір сүру сапасын жақсартуға және өмірлік маңызды қоғамдық кеңістіктерді дамытуға бағытталған корпоративтік жауапты субъект ретіндегі рөлін көрсетеді. KAZ Minerals болашақ ұрпақтың дамуына үлес қосып, жергілікті қауымдастықтың дамуына қолдау көрсетіп жатқанын мақтан тұтады.