Қазақ тілін үйренуге қолдау көрсету

Қазақстанда қазақ тілі де, орыс тілі де кең таралған, алайда қазақ тілі – мемлекеттік тіл, ал орыс тілі ресми мәртебеге ие.

Қазақстан 1991 жылы тәуелсіздік алғаннан бері қазақ тілінің қоғамда қолданылуын ілгерілетуде айтарлықтай жетістіктерге жетті. Қазақстан үкіметі қазақ тілінің рөлін арттыруға бағытталған бірқатар мәдени, білім беру және саяси реформаларды жүзеге асырды, соның ішінде қазақ тілінің күнделікті қарым-қатынаста, бұқаралық ақпарат құралдарында және мемлекеттік мекемелерде қолданылу аясын кеңейту жөніндегі стратегиялық мақсаттарды қамтитын «Тіл саясатын дамытудың 2023-2029 жылдарға арналған тұжырымдамасын» бекітті.
Қазақ мәдениетін қолдау мақсатында KAZ Minerals «Батыл бол» тіл клубына көмек көрсетті, оның мақсаты – адамдарды қазақ тілінде ауызекі сөйлеуге баулу.

Клуб адамдарға тілдік кедергілерді еңсеруге және қазақ тілінде қарым-қатынас жасаудағы сенімділікті арттыруға көмектеседі.

2022 жылғы сәуірде ашылғаннан бері «Батыл бол» сөйлеу клубы бүкіл Қазақстан бойынша тегін тіл курстарын ұсынып келеді. «Батыл бол» клубының танымалдығы тез өсіп, Астана, Алматы, Атырау, Қостанай, Орал, Ақтау сияқты қалаларда ашылды.